Igikombe cya FERWABA Super Cup cyahawe ikipe ya Tigers BBC nyuma yo gutsinda ikipe ya APR BBC cyibwe n’abafana batishyuwe nyuma yo kwizezwa ko bahabwa amafaranga umukino urangiye ariko ikipe ikavuga ko gihari.
Ibi byabaye mu gicuku cy’ ijoro ryo ku wa Gatanu, tariki ya 6 Gashyantare 2026, nyuma y’umukino wari ukomeye wabereye muri Stade ya BK Arena warangiye Ikipe ya Tigers BBC itsinze APR BBC amanota 78-68.
Abafana bashyigikiye ikipe biganjemo aba_ Rayon Sports bari bemerewe amafaranga asaga ibihumbi 200 by’amafaranga y’u Rwanda kugira ngo bashyigikire Tigers BBC yarimo ihumekerwa hejuru n’abafana benshi b’ikipe ya APR BBC bari bashywanyaguritse.
Byaje kuba akaminura juru ubwo abafana bakurikiye ikipe aho yagiye kwiyakirira, ariko bahageze bavuga ko bimwe uburenganzira bwo kwinjira, umwe wabemereye kubaha amafaranga yababwiye ko bagomba gutegereza by’akanya gato umuhango wo kwiyakira ukagana kumusozo.
Uko amasaha yakomeje kwicuma bikagera mu gicuku mu masaha ya saa 2:00am umuhango wo kwiyakira warangiye, umwe murabo bafana yasabye igikombe yerekana ko ashaka kucyifotorezaho, ahita afata moto arakijyana , kugeza magingaya ntabwo baragisubizwa.
Igikomeje kwibazwa ese mugihe batarishyurwa igikombe kirakomeza kuba kuri uwo mufana cyangwa haritabazwa inzego zishimzwe umutekano?
UMWANDITSI: Shema Kevin
