Kwizera Jean de DieuUmwembe ni urubuto ruzwiho kugira intungamubiri nyinshi ndetse n’akamaro kanini ku buzima bwa muntu. Kurya umwembe bifite ibyiza byinshi k’ubuzima ndetse n’uburyohe bwawo butuma benshi bawishimira. Dore bimwe mu byiza byo kurya umwembe:
1. Kurinda indwara ziterwa na mikorobi: Umwembe urimo vitamini C nyinshi, izwiho kongera ubudahangarwa bw’umubiri. Vitamini C ifasha mu kurinda umubiri indwara ziterwa na mikorobi, ikanarinda ibibazo by’ubuzima bikomoka ku gutakaza ubudahangarwa.
2. Kurinda indwara z’umutima: Umwembe urimo potassium na magnesiyumu, izwiho gufasha mu kugabanya umuvuduko w’amaraso. Ibi bituma bifasha mu kurinda indwara z’umutima no kugabanya ibyago byo kugira umuvuduko ukabije w’amaraso.
3. Kurinda indwara za kanseri: Umwembe urimo antioxidants nka quercetin, isoquercitrin, astragalin, fisetin, na methyl gallate. Izi antioxidants zifasha mu kurinda ingirabuzimafatizo za DNA kwangirika, bikarinda kubyara cancer.
4. Kongera imbaraga mu mubiri: Umwembe urimo ibinyasukari by’umwimerere nka fructose na glucose, bifasha umubiri kubona imbaraga z’ako kanya. Kurya umwembe bishobora gufasha abantu bakeneye kongera imbaraga cyane cyane nyuma yo gukora siporo cyangwa imirimo ivunanye.
5. Gufasha mu igogorwa ry’ibiryo: Umwembe urimo fibres zifasha mu igogorwa ry’ibiryo neza, bikarinda kubyimba inda, impatwe n’ibindi bibazo byo mu rwungano ngogozi. Fibres kandi zifasha mu gutuma igogorwa ry’ibiryo rigenda neza.
6. Kubungabunga ubuzima bw’uruhu: Umwembe urimo vitamini A na vitamini E, bifasha mu gutuma uruhu ruba rwiza kandi rukabaho neza. Vitamini A ifasha mu gusana no kongera ubuzima bw’uruhu, naho vitamini E ikarinda uruhu kwangirika no gusaza imburagihe.
7. Gukomeza amaso: Umwembe urimo vitamini A nyinshi, udufasha mu gukomeza amaso no kurinda indwara z’amaso nka macular degeneration n’izindi .
8. Gufasha ubwonko gukora neza: Umwembe urimo vitamini B6 (pyridoxine) ifasha mu mikorere myiza y’ubwonko no kugabanya stress. Vitamini B6 ifasha mu gukora neza kwa neurotransmitters, bifasha mu kongera ubushobozi bwo gutekereza no kwibuka.
9. Ufasha mu kugabanya isukari mbi mu maraso: Nubwo umwembe urimo isukari, ukungahaye kuri fibres zifasha kugabanya isukari mu maraso. Gusa ni ngombwa kurya imyembe mu rugero rwiza kugira ngo itagira ingaruka mbi ku bantu bafite diabete.
Muri make, umwembe ni urubuto rwiza kandi rwuzuyemo intungamubiri zinyuranye zifasha umubiri gukora neza. Ni ingenzi kurya umwembe buri gihe, ariko kandi tukibuka kurya izindi mbuto n’imboga zitandukanye kugira ngo tubone intungamubiri zose umubiri ukeneye.
