Uwihirwe OlivierKanseri ni indwara iterwa no kwiyongera kudasanzwe kw’uturemangingo mu mubiri. Hari ibintu byinshi bishobora gutera kanseri, kandi bifitanye isano n’imyitwarire y’abantu, ibyo barya, aho batuye, ndetse n’ibidukikije bibakikije. Muri iyi nkuru, turavuga ku bintu bimwe na bimwe bizwiho gutera kanseri.
1. Itabi:
Itabi riri mu bintu bizwi cyane bitera kanseri, cyane cyane kanseri y’ibihaha. Uretse iyo, rishobora gutera kanseri y’akanwa, igitsina gore n’ibindi bice by’umubiri. Kureka itabi bigabanya cyane ibyago byo kurwara izi kanseri.
2. Inzoga:
Kunywa inzoga nyinshi bishobora gutera kanseri y’umwijima, igifu, igitsina cy’abagore, akanwa, n’umutwe. Gukoresha inzoga mu rugero cyangwa kuzireka burundu bishobora kugabanya ibyago byo kurwara izo kanseri.
3. Imirire mibi:
Kurya ibiryo birimo amavuta menshi, isukari nyinshi, n’ibiryo by’umurengera bishobora kongera ibyago byo kurwara kanseri. Kurya imboga n’imbuto nyinshi, n’ibiryo bikungahaye ku butare na vitamine, bishobora kugabanya ibyo byago.
4. Imirasire ya UV:
Kwicara mu zuba igihe kirekire nta burinzi, gukoresha ibikoresho bimeze nk’inzu z’ubushyuhe (tanning beds), bishobora gutera kanseri y’uruhu. Gukoresha amavuta arinda izuba (sunscreen) no kwirinda izuba ku masaha akaze bishobora kugabanya ibyago byo kurwara iyi kanseri.
5. Imirasire (Radiation):
Imirasire ivuye mu byuma bikoreshwa mu buvuzi nk’ibyuma bifotora amenyo, yego bikoreshwa neza kandi birinda ibibazo. Gusa, guhura n’imirasire mu buryo butunguranye cyangwa mu mu buryo butari bwo, bishobora gutera kanseri.
6. Imiti:
Hari imiti imwe n’imwe ishobora gutera kanseri igihe ikoreshwejwe nabi. Ibi bikubiyemo imiti ikoreshwa mu buvuzi bw’indwara zimwe na zimwe. Gukoresha imiti uko yagenwe n’abaganga, no kwirinda gukoresha imiti yakuwe ku isoko, birinda ingaruka mbi.
7. Ibicuruzwa byo mu rugo:
Bimwe mu bicuruzwa byo mu rugo, cyane cyane ibikorerwa mu nganda, bishobora gutera kanseri. Ibi bikubiyemo ibikoresho by’isuku, ibikoresho byo kwisiga, ndetse n’imiti yica udukoko. Gukoresha ibicuruzwa bifite ubuziranenge, no gusoma amabwiriza yo ku bikoresha, bishobora kugabanya ibyago byo kurwara kanseri.
8. Imiti yongera umusaruro w’ibiribwa:
Ibikoresho byongera umusaruro w’ibiribwa n’inyongera musaruro zikoreshwa mu biribwa bikorerwa mu nganda, na byo bizwiho gutera kanseri. Ibyiza ni uguhitamo ibiribwa bitunganijwe mu buryo bwa kinyamwuga kandi hakoreshejwe uburyo bwizewe.
9. Gukorana n’ibikoresho bya chimique mu nganda:
Abantu bakora mu nganda zikoresha ibikoresho bya chimique baba bafite ibyago byinshi byo kurwara kanseri. Gukurikiza amabwiriza y’ubuziranenge n’ubwirinzi mu kazi kabo bigabanya ibyo byago.
10. Imyitozo ngororamubiri n’ubushake:
Kutagira imyitozo ngororamubiri bihagije, n’ubushake buke bwo gukora siporo bishobora kongera ibyago byo kurwara kanseri. Kugira imyitozo ngororamubiri ihagije no gukora siporo mu buryo buhoraho bishobora kugabanya ibyo byago.
Guhindura imyitwarire, guhitamo neza ibiribwa, no kwirinda ibintu bishobora gutera kanseri, birashobora kugabanya cyane ibyago byo kurwara iyi ndwara. Kwisuzumisha hakiri kare no kugana kwa muganga igihe hari ikibazo bitanga amahirwe yo gukira neza kanseri.
