Korali Elayono yo muri ADEPR Rwimbogo mu Mujyi wa Kigali, yakoze igitaramo yise ngo ‘Ku Musaraba Live Concert’ cyaririmbwemo n’umuramyi Nana Olivierusanzwe aririmba indirimbo zo kuramya no guhimbaza Imana akaba ari na we wari uyoboye abaramyi.
Ni igitaramo cyafatiwemo amashusho n’amajwi y’indirimbo 7 kikaba cyarabaye tariki 20 Ukuboza 2025 ku Itorero rya ADEPR Rwimbogo riherereye i Kanombe mu Mujyi wa Kigali.
‘KUMUSARA Live Concert’ ni igiterane cyari gifite insanganyamatsiko igira iti:”Yicisha bugufi araganduka ntiyanga no gupfa ndetse urupfu rwo ku musaraba”. Ni ijambo bakuye muri Bibiliya mu gitabo cy’Abafiripi 2:8.
Icyo gitaramo kandi cyateguwe cyahawe intero y’imwe mu ndirimbo bagombaga gufatira amashusho yitwa ‘KU MUSARABA’ , ikaba imwe muri izo ndirimbo 7 ari na yo irimo ijambo ryo mu Gitabo cy’Abafilipi 2:8 ndetse hakabamo n’indi ndirimbo bise ngo ‘MU MUTIMA URIRA’ yakuwe mu gitabo cya Petero wa Mbere umurongo wa 5:7.
Umuramyi Nana Olivier usanzwe aririmba no muri iyo Korali yabwiye UMUNSI.COM ko ibyo Imana yari yashyize ku mutima we ari byo yakoze kandi ko yabikoze neza abantu bagahemburwa n’indirimbo ze muri rusange nk’umuramyi wari uyoboye izo kuramya.
