Umurundikazi yegukanyeumunsi wa Mbere w’Isiganwa ryiswe ‘Tour Cycliste International Féminin du Burundi’ rihuza ibihugu bigera kuri 7 birimo n’u Burundi.
Iryo rushanwa ry’amagare rikomeje kubera mu Gihugu cy’u Burundi ryegukanywe n’Umurundikazi ku munsi wa Gatatu atsinze Abanyamahanga mu cyiciro cy’abagore.
Tour Cycliste International Féminin du Burundi ryitabiriwe n’Ibihugu birimo Kenya, Uganda, Côte d’Ivoire, Burkina Faso, Bénin, Sénégal, ndetse n’u Burundi bwakiriye iri rushanwa.
Ku munsi wa mbere, abarushanwa batangiriye ahazwi nko Kwa Ndadaye mu Mujyi wa Bujumbura, berekeza i Nyamitanga mu Cibitoki, hanyuma basubira aho batangiriye. Umunya-Benin ni we wenikiye abandi ku munsi wa mbere, akurikirwa n’umunya-Burukinafaso, uwa gatatu aba Umunya-Benin, mu gihe Umurundikazi Odette Nsengiyumva yaje ku mwanya wa kane.
Ku munsi wa kabiri bakiniwe i Cankuzo kugera i Muyinga maze uwo munsi wa Kabiri wegukanwa n’umurundikazi Nsengiyumva Odette. Umunsi wa gatatu nawo wegukanywe na Odette Nsengiyumva, akurikirwa n’umunyakenya yarushije iminota itatu.
Abo bakobwa baciye muri zone ya Buye, banyura mu Vyegwa bya Ngozi, baca ahitwa Kukabasazi, bazamuka mu Isongwe basoreza aho bahagurukiye ku rusengero rw’Abangilikani i Buye.
Nsengiyumva yabwiye itangazamakuru ko yatunguwe no gutsinda bagenzi be, kuko n’ubwo bo babona imyitozo myiza n’ibiryo byiza bitamubujije kubanikira.
Mu magambo ye yagize ati:“Abarundi, ndabizeza umwanya mwiza, twiheshe ishema tunariheshe igihugu cyatubyaye”.
Bernard Ntagumuka, umuyobozi w’Ishyirahamwe ry’Umukino w’Amagare mu Burundi, yasabye Leta gushyigikira aba banyonzi kugira ngo bazashobore kwitabira marushanwa ya Afurika ategerejwe muri Kenya.
Yagize ati: “Abakinnyi birutse banezerewe kuko bambaye umwambaro mushya w’ikipe y’igihugu twaguze uyu mwaka. Barayaga rwose.”
Ni ku nshuro ya gatanu u Burundi bwakiriye iri siganwa ry’amagare mu cyiciro cy’abagore rizwi nka Tour Cycliste International Féminin du Burundi.Biteganyijwe ko iri siganwa mpuzamahanga, ryatangiye ku wa 05 Ukwakira, rizasozwa ku wa 11 Ukwakira 2025, hatangwa ibihembo bitandukanye.
