Umukinnyi Erking Haaland yaraje neza abafana ba Manchester City nyuma yo gufasha iyo kipe kubona amanota atatu yakuye kuri Brentford.
Ni umukino wari ukomeye wabereye kuri Gtech Stadium aho ikipe ya Manchester City yaboneye igitego kimwe cyatsinzwe na Erling Haaland.
Gtech Stadium ni kimwe mu bibuga bikinirwaho muri Shampiyona y’Ubwongereza Erling Haaland atari aratsindiraho na rimwe, gusa akaba yamaze gukuraho ako gahigo.
Nyuma y’iminota umunani gusa y’umukino, rutahizamu Erling yirutse cyane ashyikira umupira watanzwe na Josko Gvardiol, anyura hagati ya ba myugariro S; epp van den Berg na Nathan Collins, maze atera ishoti rikomeye rinyura ku munyezamu wa Brentford FC Caoimhin Kelleher igitego kiba kigiyemo.
Icyo gitego cyabaye icya 18 mu mikino 11 Erling Haaland yakinnye muri Manchester City no mu ikipe y’Igihugu cye.
Iki gitego kandi cyabaye icya 9 cya Erling Haaland muri Premier League muri uyu mwaka w’imikino , gituma umutoza Pep Guardiola agera ku ntsinzi ye ya 250 muri shampiyona y’u Bwongereza mu mikino 349 gusa.
Umutoza wari wabigezeho mbere ye ni Arsène Wenger, wabikoze nyuma y’imikino 423.
Erling Braut Haaland ni umukinnyi w’imyaka 25 y’amavuko ukinira ikipe ya Manchester City yo mu Bwongereza.
