Yitwa Diego josé Teixeira da Silva wamenyekanye nka Diego Jota yavutse tariki 4 Ukuboza 1996 avukira muri Portugal mu Mujyi wa Polto.
Yakinaga asatira izamu dore ko yatangiye urugendo rwo gukina umupira wa maguru mu ikipe y’abato ya Gondomar mu mwaka 2005 kugeza 2013. Yavuye muri iyi kipe yerekeza mu ikipe yitwa Paços de Ferreira yo muri Portugal mu mwaka wa 2013 kugeza 2015, muri 2014 nibwo yerekeje mu ikipe ya bakuru ya Paços de Ferreira aho ya yikiniye kugeza muri 2016.
Yakinnye imikino 41 atsinda ibitego 14 muri uyu mwaka yerekeje mu ikipe ya Atlético Madrid yo muri Espain kuva muri 2016 kugeza 2018 nta mukino nu mwe yakiniye iyi kipe nta gitego na kimwe yigeze atsindira iyi kipe kuko yahise imutiza mu ikipe ya Polto mu mwaka w’imikino wa 2016 kugeza 2017.
Diogo yayikiniye imikino 27 ayitsindira ibitego 8,mu mwaka w’imikino wa 2017 kugeza 2018 aho yahise yerekeza mu ikipe ya Wolverhampton Wanderers ku ntizanyo. Uwo mwaka yakinye imikino 44 atsinda ibitego 17.
Mu mwaka w’imikino wa 2018 kugeza 2020 iyi kipe ya Wolverhampton Wanderes yaramuguze ayikinira imikino 67 ayitsindira ibitego 16. Kuva mu mwaka w’imikino wa 2020 kugeza 2025 mbere y’uko apfa uyu musore yakiniraga ikipe yari Liverpool aho ya yikiniye imikino 123 ayitsindira ibitego 47.
Yatangiye guhamagarwa mu ikipe y’Igihugu ya Portugal muri 2014 kugeza 2015 aho yahamagawe mu ikipe y’igihugu ya Portugal y’abatarengeje imyaka 19 aho yakinnye imikino 9 atsinda ibitego 5. Kuva muri 2015 kugeza muri 2018 yahamagawe mu ikipe y’igihugu ya Portugal y’abatarengeje imyaka 21 aho yakinnye imikino 20 atsinda ibitego 8.
Muri 2016 yahamagawe mu ikipe y’igihugu ya Portugal y’abatarengeje imyaka 23, kuva muri 2019 kugeza muri 2025 yatangiye guhamagarwa mu ikipe y’igihugu nkuru ya Portugal aho yakinnye imikino 49 atsinda ibitego 14.
Ibikombe yatwaranye na makipe yose yakiniye harimo EFL Championship yatwaranye na Wolves 2017-2018.
Yatwaranye na Liverpool ibikombe bitandukanye birimo Premier League 2024-205,FA Cup 2021-2022,EFL Cup 2021-2022,2024-2025,UEFA Champions League 2021-2022.
Yatwaranye ni kipe y’Igihugu ya Portugal igikombe cya UEFA Nations League 2018-2019,2024-2025.
IBIKOMBE YATWAYE WE KU GITI CYE
Birimo igihembo cy’umukinnyi w’ukwezi muri Premier League mu kwezi kwa Mutarama 2024,ni gihembo cy’umukinnyi muto muri 2015.
Diego Jota yapfuye ari kumwe n’umuvandimwe we André silva tariki ya 3 Nyakanga 2025 bazize impanuka y’imodoka yabereye muri Zamora muri Espain.
Nyuma y’urupfu rwe ikipe ya Liverpool yatangaje ko nimero ya mbarwaga na we nta wundi mukinnyi uzongera kuyambara mu rwego rwo kumuha icyubahiro.
Umwanditsi: Igiraneza Olivier
