Umukinnyi umenyerewe muri cinema nyarwanda Ilunga Longin wamamaye nka Tukowote yambitse impeta ya fiançailles umukunzi we bitegura kurushinga.
Mu mafoto yacishije ku mbuga nkoranyambaga ze kuri uyu wa 5 taliki 6 gashyantare, uyu mukinnyi yashimangiye ko yatereye ivi umukunzi we ndetse nawe akabyemera nta kuzuyaza.
Uyu mukinnyi wa filime w’imyaka 53 y’amavuko, kugeza uyu munsi ni umwe mu bakinnyi ba sinema bamaze igihe muri uyu mwuga aho awumazemo imyaka igera kuri 17 kandi muri iyo myaka yose, kugeza uyu munsi amaze kugaragara muri filme zigera ku 161 .
Uyu mu kinnyi ufite uburambe muri cinema yagombaga gukora ubukwe nuwo bagombaga kurushinga mu mwaka wa 2021 ariko ntibyamugendekeye uko yabyifuzaga kuko uwo mukobwa batabashije gukomezanya
Tukowote ni umwe mu bari mu ruganda rw’imyidagaduro mu bihe bitandukanye bakunze gushyirwaho igitutu n’abakoresha imbuga nkoranyambaga babasaba ko bashaka abagore. Gusa uyu mugabo ucisha make ku busanzwe, yakunze kugaragaza ko igihe nikigera azabikora ariko ko atagomba kugendera ku gitutu cy’imbuga nkoranyambaga.
