Advertising

Forbes Magazine yasohoye urutondee rw’abaherwe rwa 2024

10/15/24 12:1 PM
1 min read

Urutonde rw’Abirabura bakize kurusha abandi ku Isi, rwasohotse  aho Oprah Winfrey ari we mugore wenyine ukomeje kugaragara kuri uru rutonde

Aliko Dangote wo muri Nigeria ntakiri ku mwanya wa mbere kuko yawukuweho n’Umunyamerika David Steward utunze Miliyari 11.4 z’amadolari, akaba yaje ku mwanya wa 206 ku isi.

Akarengane gakabije, gukoreshwa bucakara mu bihe by’ubukoloni no guhezwa mu bukungu, ni bimwe mu bibazo byugarije Afurika n’Abirabura hirya no hino ku Isi mu binyejana byinshi.

Aya mateka, yagiye ahindurwa n’ivuka ry’abaherwe banyuranye b’abirabura, ibyashimangiye ko umuryango mugari w’abirabura ndetse n’uwa Afurika by’umwihariko ushobora kubungabunga ubutunzi bwawo.

Ni mu gihe n’ubwo Afurika ifite umutungo kamere mwinshi, ubukungu bwinshi bw’uyu mugabane ntibutera imbere bitewe n’ibikorwa remezo bidahagije, imiyoborere mibi no gushingira ku mari yo hanze.

Mu rwego rwo gushyigikira imishinga Nyafurika n’iy’Abirabura, abaherwe b’abirabura usanga bagira uruhare runini mu kuyitera inkunga.

Urutonde Forbes yashyize ahagaragara tariki 10 Ukwakira 2024, rugaragaza ko David Steward, washinze ikigo cya World Wide Technology (WWT), yahagurukije umunya-Nigeria Aliko Dangote ku mwanya w’umwirabura ukize kurusha abandi ku isi.

Kuri uru rutonde, haragaraho abandi baherwe nka Oprah Winfrey umaze imyaka myinshi aza mu b’imbere, Robert Smith, umuraperi Jay-Z, Michael Jordan n’abandi. Uru ni urutonde rw’abirabura bakize cyane ku Isi mu 2024:

 

RankNameNet  worthcountryIndustryGlobal rank
1David steward$11.4 billionUSAInformation Technology206th
2Aliko Dangote$11.3 billionNigeriaCement, sugar211th
3Robert F.Smith$10.8 billionUSAInvestment224th
4Mike Adenuga$6.7 billionNigeriaTelecommunications467th
5Abdulsamad Rabiu$4.8 billionNigeriaCement , sugar719
6Michel Jordan$3.5 billionUSABusiness/ Ex-athlete987th
7Oprah Winfrey$3 billionUSAMedia/entertainment1,172nd
8Patrice Motsepe$3 billionSouth Africainvestment1149th
9Jay-Z$2.5 billionUSAmusic1363th
10Strive Masiyiwa$1.8 billionZimbabweTelecommunications1848th

 

Go toTop