Buri gitondo uko ubyutse, hari ibikorwa by’ingenzi uba agomba gukora kugira ngo atangirane umunsi neza kandi ubuzima bwawe bumere neza. Dore ibintu bitanu by’ingenzi umuntu agomba gukora buri gitondo:
1. Kubyuka kare:
Kubyuka kare bituma utangira umunsi wawe ufite umwanya uhagije wo gutegura ibikorwa byawe. Ibi bituma uhugukira neza imirimo yawe kandi ukabasha kwirinda igihunga cyangwa umunaniro uvuye muri huti huti yibyo utatunganyije. Kugira umuco wo kubyuka kare kandi bifasha mu kugira amasaha ahagije y’ikiruhuko nijoro, bityo ukaba ufite imbaraga zihagije zo gutangira umunsi wawe neza.
2. Kunywa amazi:
Amazi ni ingenzi cyane mu gutangiza umunsi wawe. Kunywa ikirahure cy’amazi akonje cyangwa ashyushye bituma umubiri wawe ukora neza, agafasha umubiri gusohora imyanda yose yakusanyijwe n’umubiri mu ijoro.
3. Kwituma no kwigahagarika:
Kwituma no kwihagarika buri gitondo ni ingenzi kuko bituma umubiri wawe ubasha kugabanya imyanda yakozwe n’umubiri wawe mu ijoro. Ibi bituma igogora rigenda neza kandi umubiri ugakomeza gukora neza nta bibazo by’indwara z’igogora cyangwa izindi ndwara zifitanye isano n’ubuzima bw’imbere mu mubiri.
4. Gukora imyitozo ngororamubiri:
Gukora imyitozo ngororamubiri mu gitondo bituma umubiri wawe wiyubaka kandi ukabona imbaraga za ngombwa zo gutangira umunsi wawe neza. Imyitozo ngororamubiri ituma amaraso atembera neza mu mubiri, bigatuma ubwonko bukora neza, bikongera ingufu n’ubushake bwo gukora, kandi bikagabanya umunaniro ndetse n’uburwayi bw’imitsi.
5. Kurya ifunguro ry’ingenzi rya mu gitondo:
Ifunguro rya mu gitondo ni ingenzi cyane ku buzima kuko rituma ubasha kugira imbaraga zose ukeneye mu gutangira umunsi. Kurya neza mu gitondo bituma ubasha gukora neza imirimo yawe ya buri munsi, ukagira ubushobozi bwo kwibuka neza, ndetse no kugira imbaraga z’umubiri zihagije. Ifunguro ry’ingenzi rya mu gitondo rigomba kuba ririmo ibiribwa bifite intungamubiri, birimo imbuto, ibinyampeke, amata, n’ibindi.
Ibi bikorwa bitanu bigufasha kugira imbaraga, ubushake n’ubushobozi bwo guhangana n’ibyo ugomba gukora buri munsi, bigatuma ugira umunsi mwiza kandi ukagira umusaruro mu byo ukora . Ntugomba kwirengagiza ibi bikorwa kuko ni ingenzi cyane mu buzima bwawe bwa buri munsi.
