Amakuru avuga ko umutwe wa CODECO wateye muri Ituri, mu gace ka Djugu wica abagera kuri 6 abandi bava mu byabo.
Ni igitero amakuru avuga ko cyabaye kuri uyu wa Gatandatu , kigahitana abantu 6 barimo umwana n’abagore babiri basanzwe aho bari batuye. Abari bateye abo baturage batwitse inzu 6 z’abaturage mu Mudugudu wa Dzi.
Nyuma y’icyo gikorwa , ibinyamakuru byo muri Repubulika Iharanira Demokarasi ya Congo, byanditse ko abakomeretse batawe na FARDC na MONUSCO hifashishijwe indege zo mu bwoko bwa Kajugujugu baberekeza i Bunia.
Iki gitero bivugwa ko cyatewe na CODECO, kije nyuma y’aho, ingabo za Uganda zinjiriye muri Bunia , Djugu Mahagi bikavugwa ko CODECO iba ihunga izi ngabo.
Muri Ituri , hakomeje kumvikana ihohoterwa ritandukanye ndetse n’ubwicanyi bwa hato na hato.
Mu minsi yatambutse, ingabo za UPDF zishe abarwanyi ba CODECO 242 mu mirwano y’iminsi 2 , ahitwa Fataki muri Congo bikavugwa ko uwo mutwe ari wo watatse ibirindiro bya UPDF hagati ya Tariki 18 na 19 Werurwe 2025.
