Amasezerano y’ibanze hagati ya M23 na Leta ya Congo yasinywe ku wa Gatatu ngo ntabwo azaba ahagije kugira ngo amahoro aboneke nk’uko byatangajwe na Rodriguez Ramazani umwe mu banya-politike muri icyo Gihugu.
Ku ruhande rwa Ramazani Rodriguez, Umunyamabanga Mukuru wa Envoy Party , anyuze kuri X yabanje kwishimira intambwe yatewe yo guhosha imirwano no kuyihagarika gusa ashimangira ko intambara itahagarikwa no gucecekesha imbunda gusa.
Rodriguez Ramazani yavuze ko igikenewe cyane ari ibiganiro birimo abantu bose muri Repubulika Iharanira Demokarasi ya Congo nk’uko byagiye bivugwa n’abagize CENCO na ECC.
Agaragaza ko “Iyo nzira y’ibiganiro ari nziza mu kuvuga amahoro adahari”.
AFC na M23 baherutse gusinya amasezerano yo guhosha intambara no guhagarika imirwano mu Burasirazuba bwa Congo ahabaye isibaniro, bikaba byakozwe mu biganiro byabereye muri Qatar.
