“Abakobwa beza dufite depuresiyo Kubera Abagabo” ! Baraka Umuhoza yavuze icyatumye yumva atazashaka

Muri iyi minsi heze ibura ry’ingo nshya aho ubwizerane mu bubaka ingo bwabaye buke ku mpamvu y’itandukana ryazamutse mu bazishaka kandi zitamaze kabiri.

Iyi niyo mvano y’icyatumye Umuhoza Baraka umukobwa ukiri muto azinukwa gushaka akavuga ko yakuze yumva yashaka umugabo ariko ubu akaba asigaye yumva yanabireka burundu.

Mu kiganiro yagiranye na Hash media Empire kuri youtube Baraka yagize ati ” Nakuze numva nzagira umuryango , nkagira abana nkubaka urugo ariko iyo ndebye imyitwarire y’abagabo b’ubu mpurwa ibintu by’ingo.

Abagabo ni abana babi pe, iyo aguharaye ugirango muzamarana kabiri aba akora byose ariko iyo amaze kukubona ugirango ntimunaziranye”.

Yakomeje agira ati:” Abasore nabo murakundana ukagirango ni marayika ariko rwose birababaza iyo umaranye na we iminsi ugasanga wa mwibeshyeho , nkibaza nti ko abari mu ngo batandukana buri munsi (Divorce) ,abasore nabo babaka bashaka ko muryamana bikarangira , n’uwo mwubakanye ingeso ikanga , tuzashaka gute?. Nge numva rwose gushaka byaramvuyemo!”.

Umuhoza Baraka avuga ko ari umushomeri kuko abenshi mubatanga akazi ari abagabo kandi atifuza gukora akazi yasambaniye ngo ahubwo bagakwiye kureba ko umuntu ashoboye.

Baraka aragira inama abakobwa kwiha agaciro ,no kwihanganira ibyo bahura nabyo kuko ngo umukobwa wemera gusambana ngo abone iki n ‘iki aba atesheje agaciro ubwenge bwe !.